Në Nju Jork ka nisur sot debati i Sesionit të 80-të të Asamblesë së Përgjithshme të OKB-së, ku Shqipëria po përfaqësohet nga Presidenti i Republikës, Bajram Begaj dhe ministrja për Europën dhe Punët e Jashtme, Elisa Spiropali.

Në një postim në rrjetet sociale, Presidenti Begaj theksoi se “pjesëmarrja në këtë Asamble është një mundësi për të forcuar angazhimin e përbashkët për paqe, zhvillim të qëndrueshëm dhe mbrojtjen e të drejtave të njeriut”.

Edhe ministrja Spiropali shprehu rëndësinë e kësaj dite, duke shkruar se “Shqipëria do të rikonfirmojë angazhimin e saj krah aleatëve strategjikë ndaj vlerave demokratike”.

Ajo përmendi gjithashtu se në këtë sesion do të marrë fjalën edhe Presidenti amerikan, Donald Trump.

Presidenti Trump ishte ndër udhëheqësit e parë që mbajti fjalën në këtë sesion, ku pritet të adresohen sfidat e sigurisë globale.

/rtsh.al/